!!Früheligskonzärt ihr Chiuche!!
Am 20. 04.2024 fühere mir es Konzärt ir Chiuche Mühledorf düre!
Ds'Konzärt foht am 19:00 a, mit Lieder vortreit vom Echo
und vo diverse Chlyformatione usem Klub!
Aschliessend as Konzärt fühere mir e chlyni
Feschtwirtschaft im Saau vom Gmeinshuus düre,
so das mir no chlei zäme chöi Dorfe.
Mir vom Echo vom Buechibärg fühere zerschtmau so nes
Chiuchekonzärt düre und hoffe natürlich jetz,
dass das öpis isch wo öich aschpricht!!
Der Ytritt isch frei, mir mache e Kollekte.
Mir hoffe uf e huuuufe Bsuecher/inne,
bis am 20. April.
Möchtisch meh Informatione de klick obe links
ufs Rächtegg mit de wysse Striche
u de uf Früheligskonzärt 2024,
da fingsch Du d'Lieder wo gsunge wärde.
Aber äs hett no viu meh wo du chasch entdecke, klick Di düre.
!!!Plansch äs Feschtli irgend wo:
Hochzyt, Geburi, Budefescht, oder e so
u hätisch gärn, wenn öper chäm cho singe?
De düe mir Dir gärn cho nes Ständeli bringe!!!
Über üses Honorar chame verhandle, je nach azau Lieder u Fahrzyt.
!! Mir sueche Sänger/inne i aune Stimmlage !!
Dä bsunger Momänt:
we Du it Reihe steisch,
Dir öper der Ton git
u de äs'Jodulied ertöne,
wes de langsam Gramüselet u Hühenerhutet
u's Dir d'Höörli z'Bärg steut,
dä Momänt; genau dä chasch Du by üs erläbe u gniesse!
Du muesch nit chönne Jodle, mir bruche ou Begleitstimme wie
1.Tenor, 2.Tenor, 1.Bass oder 2.Bass.
Aber wenn Du möchtisch u chasch Jodle, umso besser!!!
Eifach unverbindlich einisch cho ycheluege, oder nimm Kontakt uf!!
(lueg unger "Kontakte" oder bymne Mitglid, wo Du kennsch.)
Mir probe jede Mäntig am 20:00 im Saau
vom Gmeinshuus z'Mühledorf.
(Ygang hinger am Huus, de d'Schtäge uf i Dachschtock, oder nimm der Lift)
!!!Mir Jodler/inne vom Echo rütsche gärn chlei usenang u mache Platz für Di!!!
Üses Motto "Gmüetlich zäme sy u Singe, wiu Gsang isch Gsung"!
(wenn's nit gloubsch due "ist Singen gesund" Google, dä seit's Dir de)
!!!Dank a aui wo ar Schnottwil-Chiubi 2023 by üs
Kaffee/Kuchen, Bier, Wy oder Minerau
konsumiert hei, das hett üsem Kässeli guet do!!!
Es hett gfägt, für öich drei Tag lang dörfe do ds'si,
Merci viu mau!
!!Es würd üs natürlich fröie,
wenn mir o ar nächste Chiubi vom 10./11./12. 08. 2024,
zäme mit de Lüt vom TV, ir Kafistube oder am Bierstang
für öich dörfti do si, um öich z'bediene,
bis ar Ougschtechiubi!!