!!!ACHTUNG!!!ACHTUNG!!!
!!!Nöie Probetag!!!
Ab sofort isch üse Probetag der Donnstig,
ersti Donnstigprob am 05.03.26!
Zyt blybt glych: vo 20:00 bis 21:30,
o der Ort blybt glych:
Gmeinssau, Hauptstr.2, 4583 Mühledorf SO
Üse Jodlerklub suecht
ä Dirigäntin oder ä Dirigänt
Hesch Inträsse, üse Jodlerklub mit Fröid u mit Gspüri für Kameradschaft u Tradition ds leite?
Derby isch es egau, ob du scho e Klub oder Chor gleitet hesch oder no Aafänger/in bisch.
Mir si es kameradschaftlichs Trüppli vo Sängerinne u Sänger, vo Jodlerinne u Jodler
u biete es härzlichs u offnigs Umfäld für regelmässigi Probe u glägentlichi Uftritte.
Bisch interessiert?
De mäud di by üsem Präsident Beat Schär: 079 432 22 45, [email protected]
oder by eim vo de Vorstandsmitglider i der Rubrik Kontakte/Vorstang.
Mir fröie üs uf di!
Hesch Luscht uf Singe?
De wird Teil vo üsem Jodlerklub!
Mir si e offene, fröhliche u kameradschaftliche Jodlerklub
u sueche Sängerinnen u Sänger,
i aune Stimmlage!
(1. Tenor, 2. Tenor, 1. Bass und 2.Bass)
We Du Fröid am Singe vo schöne Jodulieder hesch, de bisch Du by üs genau richtig!
Kei Angscht, Du muesch nid chönne jodle – Houptsach Du hesch Fröid am Singe!
Wenn? Jede Donnstig, 20:00 – 21:30 Uhr
Wo? Gemeindesaal, Hauptstr.2, 4583 Mühledorf (SO)
Schryb üs, lüt üs aa oder chum eifach verby:
Beat Schär, Präsident: 079 432 22 45, [email protected]
...oder by eim vo de Vorstandsmitglider i der Rubrik «Kontakte/Vorstang».
Mir fröie üs uf Dy Stimm und Dys kameradschafliche Wäse,
hiuf doch üses schöne Bruchtum am Läbe z'erhaute!
Singe Dis nöie Hobby; warum nit? Wiu Gsang isch gsung!
Dä bsunger Momänt:
we Du it Reihe steisch,
Dir öpper ä Ton gitt
u de äs Jodulied ertönt,
we's de afaht Gramüsele u Hühnerhutte,
us Dir d'Höörli z'Bärg steut!!!
Dä Momänt; und no viu meh
chasch Du by üs erläbe und gniesse!!!
Chumm, probiers doch eifach us!!!
Plansch äs Feschtli irgendwo,
Hochzyt, Geburi, Budefescht oder so
u Du hätisch gärn, wenn öper chäm cho singe?
De düe mir Dir gärn es Ständeli bringe!
(Über üses Honorar chame verhandle, je nach Anzau Lieder u Fahrzyt.)
Mäud di by üsem Präsident Beat Schär: 079 432 22 45, [email protected]
oder by eim vo de Vorstandsmitglider i der Rubrik Kontakte/Vorstang.
Mir gseh und ghöre üs im 26zgi,
"mög ds'ganz Johr Glück u Fröid dir bringe!
Und zum Glück, zur Fröid da füherti o,
mir si fescht überzügt dervo,
wenn du im Echo tätisch Singe!"
Entdeck üse Klub!
Klick obe links uf ds Rächteck mit de drei wysse Striche,
de chasch du no viu meh über's Echo erfahre!